Hatimaye Magufuli aanza kazi rasmi kwa kumteua mwanasheria mkuu wa serikali

Friday, November 06, 2015  

 Dar es Salaam. Saa chache baada ya kuapishwa kuwa rais wa awamu ya tano wa Jamhuri ya Muungano, Dk John Magufuli jana amemteua George Masaju kuwa Mwanasheria Mkuu wa serikali.

Akizungumza na wanahabari jijini Dar es Salaam  Katibu Mkuu Kiongozi, Ombeni Sefue amesema Rais Magufuli atamwapisha mwanasheria Masaju kesho asubuhi ili kuanza majukumu yake mara moja kwa mujibu wa sheria.

Aidha Balozi Sefue amesema kuwa, Rais Magufuli ameitisha rasmi kikao cha kwanza cha Bunge la Jamhuri ya Muungano wa Tanzania kitakachoketi Novemba 17, mwaka huu.

Katibu Mkuu kiongozi amesema Rais Magufuli atarajiwa kupendekeza jina la Waziri Mkuu ambalo litawasilishwa katika bunge hilo jipya Novemba 19 ili lipigiwe kura.